الفصل السادس عشر
مازالت هستر مصره على قرارها انها تخلى ديمزديل يعرف هوية الشخص الى دخل حياته مهما كانت العواقب حاولت انها تقابله على البحر او تروح له غرفته لكنها خافت الناس تشك وخافت من شلنج وورث فقررت تقابله فى الغابة. في يوم هستر كانت تزور واحدة مريضه وعرفت ان ديمزيدل بكره راح يكون موجود.في اليوم الثاني خرجت هستر مع بيرل ومشيو للغابة كانو كل مايوصلو لنقطة فيها شمس كانت تختفى وبيرل قالت لامها نور الشمس مايحبك ويهرب منك لانه خايف من الشي دا الى انتى لابسته شوفيه يلعب هناك انا بروح امسكه مارح يخاف منى لانى صغيرة ولسه ماعندي الحرف دا على صدري .هستر قالت ولا عمره راح يكون عندك. بريل استغربت وسئلت امها يعنى لما اصير كبيرة مارح يكون عندي حرف زي حرفك راحت هستر قالت لها شوفى نور الشمس اجرى امسكيه قبل لايهرب .راحت بيرل لضوء الشمس و وقفت وسطه وبدئت هستر تقرب منها راحت بيرل قالت لها تبعد عشان النور مايخاف ويهرب هستر قالت لها لا انا اقدر امسكه حتى شوفي ومدت يدها عشان تمسك النور لكنه اختفى.
كان اكثر شي مذهل في بيرل انه فيها روحانية وعمره ماكان فيها حزن وهستر كانت تفكر كيف البنت هذى ماتحزن واتمنت انها تحزن او تعاني عشان يكون عندنها عاطفة .هستر نادت على بيرل وقالت لها تعالى نجلس نستريح بيرل قالت لها انا مانى تعبانة لكن انتى اجلسي واحكيلي حكاية الرجل الاسود وكيف يطارد الناس و كيف يشيل معاه كتاب كبير وضخم وقلم حديدى يعطيه لكل شخص عشان يكتبو اسمائهم بدمهم وبعدين يحط علامته على صدرهم وقالت لامها يا امى انتى قابلتى الشخص دا! هستر قالت لها مين حكالك الحكاية دي؟ قالت لها الحرمة العجوزة الى كنا عندنها حسبتنى نايمة وحكت الحكاية دي وقالت انه قابل آلاف من الناس ورجعت سئلت امها هل انتى قابلتيه قبل كذا وهو الى حط الحرف ذا على صدرك وهل الحرف هذا ينور كل ماتقابليه فى هذى الغابة المظلمة؟ هل صحيح هذا الكلام؟ وانتى تشوفيه في الليل؟هستر قاتل لها قد قمتى من النوم فى الليل وماحصلتينى جمبك؟بيرل قالت لها لا بس انتى قابلتيه ولا لا! هستر قالت لها لو قلت لك كل حاجه تسبينى فى حالة بيرل قالت لها ايوة هستر راحت قالت ايوة انا قابلت الرجل الاسود مره وهذى علامته.
دخلو الغابة وجلسو بحيث الرايح و الجاي مايشوفهم وكان فى جدول ماء بيرل كانت تكلمه وهستر قالت ليش الجدول حزين؟ بيرل ردت عليها وقالت لو قلتى انتى سبب حزنك الجدول راح يقول سبب حزنه. هستر سكتتها وثالت لها فى احد جاى روحي العبي على ما اكلمه بيرل سئلتها اذا الى رايحه تكلمه هو الرجل الاسود هستر قالت لها روحي العبي بس لاتروحي بعيد بيرل قالت لها طيب لو كان الرجل الاسود مارح تخليني اشوفه واشوف الكتاب الى معاه؟قالت لها هستر هذا مش الرجل الاسود هذا ديمزديل قالت لها بيرل طيب هو يحط ايده على صدره لان الرجل الاسود حطله العلامة لماكتب فى الدفتر؟ طيب ليش ماحطها من برا زيك؟ هستر قالت لها روحي العبي بس لاتبعدى .
