الفصل الرابع عشر هيستر تهدد بفضح السر

الفصل الرابع عشر
بيرل انطلقت حافية على طرف البحر وكانت تتفرج على بركة خلفها المد و الجزر وشافت صورة لبنت صغيرة على الموية و قالت لها تعالى نلعب ودخلت رجولها جوة الموية بعدين هستر و شلنج وورث جلسو يتكلمو وهستر قالت له ابغا اكلمك فى موضوع مهم يخصنا نحنا الاثنين قالها لسه ديمزديل كان يتكلم عنك و يقول انه فى المجلس البلدى كانو يتناقشو انهم يشيلو الحرف منك .قالت له الشي دا ماحد راح يشيله يا رح يروح لحاله يا راح يتحول لشي تانى شلنج وورث قاهال خلاص خليكي لابسته مادام ناسبك والمرأة لازم تتبع رغباتها وشجاعتها تظهرعلى صدرها.هستر تأملت وجهه وشافت اثار العمر الى ظهرت عليه و اكثر شي لاحظته ان فقد الهدوء و النباهة الى كانت عندة وصارت مكانها ملامح بحث وانتقام .وكان بين لحظه واخرى يظهر نور احمر بين عيونه وكئن روحه تحترق وظهرت من شلنج وورث لمحة شغف لكنها بسرعة اختفت.باختصار شلنج وورث اتحول لنموذج شيطانى ويفعل افعال شيطانية. وهذا الشخص التعيس الـ 7 سنين من البحث و الرغبة فى الانتقام أثرت عليه وملئت قلبه بالعذاب وادركت هستر ان الى صار في شلنج وورث هو دمار آخر بسببها.شلنج وورث قال لهستر اش في وجهى عشان تطالعى كذا! قالت له لو باقى عندي دموع كان بكيت من الشي الى فى وجهك لكن خلينا من الموضوع ذا انا ابغا اكلمك عن واحد تعيس .قالها اشبه الشخص دا! واتحمس وانبسط انه جات الفرصة عشان يتكلمو فى الموضوع ذا.





وقالها مارح اخبي عليكي انا لسه كنت افكر فى الشخص دا فتكلمى بحرية وانا راح اجاوك.هستر قالت له آخر مره اتكلمنا فيها مرت عليها 7 سنين وانت خليتنى اوعدك ان زواجنا يبقى سر وانا حفظت سرك لكنه ثقيل علي و احس نفسي اخونه وانا مخبيه عليه السر دا ومن هذاك اليوم ماحد كان قريب منه زيك تمشى معاه كل خطوة تنام وتاكل معاه وتعبث بقلبه تخليه يموت مية مره وهو لسه مو دارى انك كنت زوجي وانا بتصرفي هذا سمحت لك توصل للشي دا. راح هو قالها اش الخيارات الى عندك بإشارة منى يروح للسجن .قالت له كذا احسن وسئلها اش الشر الى انا سويته للشخص هذا؟ لولاى كان مات من زمان أنا اعطيته عنياة واهتمام ماحد راح يعطيه زيها ولو سبته كان مات من زمان وابغى اقولك سر ثاني ولا اقولك خلينى ساكت احسن وكونه لسه يمشي ويتنفس فالفضل لي. قالت له لو سبته يموت كان احسن.قالها كلامك صحيح لكن مافى انسان زي الشخص دا كل معاناته كانت تحت نظر عدوه و لو ربي خلق انسان حساس ماهيكون اكثر من الشخص دا لانه كان دارى ان عدوه جالس يتقرب منه تحت غطاء الصداقة بس مش عارف مين العدو دا بالضبط؟أثناء ماكان شلنج وورث يتكلم بدأت تظهر عليه انه ادرك بشاعة الشي الى عمله وحس بالشر الى ارتكبه وحس انه اتحول من انسان لوحش .هستر قالت له ماعذبته كفاية؟ هل لسه مادفع الدين الى عليه؟ قالها لا الدين زاد ماتذكري كيف قبل 9 سنين انا كنت؟كيف كنت اسعى خلف العلم كان هدفى فى الحياة تطورة البشرية وكنت انسان هادي وطيب و كريم و احب الناس واقدمهم على نفسي قالت له هستر :نعم كنت هكذا واكثر. راح قالها شلنج وورثت والآن أنا اش صرت! صرت وحش مين الى خلانى كذا! هستر قالت أنا وهى تبكى وقالت انا سويت فيك كذا ليش ماتنتقم منى؟ قالها انا تركت مع السكارلت لتر.قالت له طيب الحرف انتقملك .قالها انتى الآن اش تبغى منى بخصوص هذا الرجل؟.قالت له لازم اكشف شخصيتك الحقيقة واش النتيجة ما ادرى لكن لازم ادفع ثمن الدمار الى حصل له .وقالت له حياته بين يديك. قالها شلنج وورث يا إمرأة أشفق عليكي وقالها بغرور واعجاب بنبل اخلاقها وقالها انتى فيكي خصال عظيمة ولو لقيتى عاشق محب عظيم قبل لاتشوفينى ماكان الشر ذا كله حصل .راحت هستر قالت له أنا كمان اشفق عليك انت من الشر الى حولك من انسان عاقل حكيم إلى حش فهل راح تخرجه منك وترجع إنسان مره ثانيه؟إذا مو عشان الشخص دا فعلشان نفسك سامح وخلى السلطة تاخذ لك الانتقام مافى خير ممكن يجيلنا نحنا الثلاثة طول مانحنا ماشين فى هذه المتاهة من الشر ونتعثر في كل خطوة بسبب الذنب الى صنعناه انا متأكده لو فى خير بيجى راح يكون لك لانك انظلمت وعشان الخير دا يجى لازم تسامح فهل راح ترفس الخير الى جاييك عشان الانتقام! شلنج وورث قالها ماهو بإيدي اسامح وانتى اول خطوة سوتيها انك زرعتى بذرة الجريمة وروحي سوي الى تبغيه.

Posted in: and, Hester, physician, the, الرابع, السر, الفصل, بفضح, تهدد, عشر, هيستر